گوچ از شام............

گوچ از شام

رقیّه چارم اولسا کربلایه گیتمرم سنسیز

گَلوب نی تک نوایه کربلایه گیتمرم سنسیز

گیده بُلسن آپارّام قویمارام تک بو ولایتده

قالوب روحیم داریخسون بو دیار دار غربتده

دولانّام غملی قبرین باشینه هر آن و ساعتده

اورکده اولماسون مندن گلایه گیتمرم سنسیز

بلالی عمّه وی چوخدا قیزیم نامهربان بُلمه

سویرم چوخ سنی، آز ایسترم ایتمه گمان بُلمه

منیم جسمیمده جانسان اولماسان جسمیمده جان بُلمه

نه بزم جشنه نه بزم عزایه گیتمرم سنسیز

الیمده اختیار اولسا دیار شامیده قالّام

مزارون اوستونه شال عزا تک زلفیمی سالّام

دوشنّم قبریوه سندن حسینین عطرینی آلّام

اگر گیتسمده دشت غمفزایه گیتمرم سنسیز

اُپوب توشه گوتورسِیدیم دویونجا گوز قاشوندان من

گوتورمزدمیم بلالی باشیمی تیز باش داشندان من

ملامت اولماسا چونکه خجلم قارداشوندان من

مزار اکبر گلگون قبایه گیتمرم سنسیز

محبّت آتشی یاندوقجا دیگ دل گَلور جوشه

دولانّام باشیوه ای سرور دینه جگر گوشه

اوزوملوق اولسا بو غملی مزارون آلّام آغوشه

محلّ دل گشا و باصفایه گیتمرم سنسیز

اولا ممکن سنی من قویمارام تنها بو منزلده

بودور مقصود و منظور و مرام و مقصدیم دلده

گوزوم اوسته آپارّام، نه قوجاقیمده نه محملده

حضور خامس آل عبایه گیتمرم سنسیز

نجه شوریده بلبل قویسالار گلشندن آیریلماز

اوزینه جذب ایدر آهن ربا آهندن آیریلماز

قیزیم واللهی عمّنده باشارسا سندن آیریلماز

قالوب غربتده کوی آشنایه گیتمرم سنسیز

قسم بو قبریوه جانیم عزیزی دویمادیم سندن

ولی ترک ایتماقا مجبورم آخِر، اینجیمه مندن

اگرچه دردمندم حاجتیم درمانه وار غمدن

بُلم امکانی وار دارالشّفایه گیتمرم سنسیز

بیله فکر ایتمه گیتسم درد الیندن بیرده دینجلّم

خدنگ آهیله قلبین هامی اهل دلین دَلّم

فراموش ایتمرم، سندن اوتور شامه گینه گَلّم

فنانی ترک ایدوب مُلک بقایه گیتمرم سنسیز

گَلنده شامه شیرین دل قیزیم سن گَلموسن مندن

حسیسنین جانینه اولسون قسم دونمور یوزوم سندن

امانتسن حسینیمدن، سنه قربان اولا عمّن

اولا ممکن او صحرای بلایه گیتمرم سنسیز

ویروبدی بیر بیره آلتی برادر قول مردانه

حسنله عسکری قاسم حسین که گیتدی زنجانه

نصیب اولسا خدای ذوالکرم ال آچسا احسانه

دیوبله «حافظیه» کربلایه گیتمرم سنسیز

خرابه دورهسین از بس که دوتدی عورت اوشاق

خرابه دوره سین از بس که دوتدی عورت اوشاق

چخانمادی او گونی قالدی اولیاءُ الله

جناب زینبه چون واضح اولدی نقل مکان

کجاوه دن یره سالدی اوزین او علیا جاه

گَلوب خرابیه قبر رقیّه اوسته دوروب

دیدی قیزیم گیدیروخ کربلایه بسم الله

دیمهی بیبیم منی قویدی خرابه ده گیتدی

یزیدین اولسون اوزی قاره سنده وار نه گناه

زنان شامه بویوردی بیر التماسیم وار

اونی قبول ایلیون خاطراً لِوَجهِ الله

بو مسجد ایچره منیم بیر امانتیم قالدی

بو حبس خانه ده قویدوم رقیّه قالدی گواه

خرابه ده متوجّه اولون دوشنده یولوز

بو توزلی قبری خراب اولماسون سیزی الله

دونوبدی بعضی لریندن ایدوب خداحافظ

دالنجا یاشلی قالوب گوزلری، چکردیله آه

مخدّرات حرم اَگلشوب کجاوه لره

جرس فغانه گَلوب، ناقه دوندی باشلادی راه

گیدوردی قافله، زینب رقیّه ذکریله

قالوب خرابه ده، فکری گیدردی خواه نخواه

یول آیریلوبدی ایکی سمته عرض ایدوبدی بشیر

گیدور مدینیه بو جاده، کربلایه بو راه

ایشیتدی زینب مظلومه کربلا آدینی

اورک دوگوندی، گَلوب درده، چکدی ناله و آه

دیدی اوغول منه لازمدی کربلایه گیدم

پناهیم اوردا قالوبدور، وطنده یوخدی پناه

بویوردی سیّد سجّاد دگلگلن عمّه

بو یولدا حکم سنوندور بشیری قیل آگاه

عیالینی منه چون تاپشوروب گیدنده حسین

گیدیم اُلن بالاسیندان ایدوم اونی آگاه

گرک گیدم دیم عبّاسه قالماسون نگران

بو سن بو قانلی علم، بو مِنا بو قربانگاه

یولوم اوزاقدی، پرستار یوخ، گرک آپارام

یانیمجه اکبر و عبّاس و قاسمی همراه

نجه گیدوم وطنه شام محنتین ایشیدوب

جناب جعفر طیّارین اوغلی عبدالله

دوروب یول اوسته یوزین توپراقا قویوب صغری

او بی کسون نه یوزیله ایدوم یوزینه نگاه

ایتورموشم نچه بلبل گرک او چولده تاپام

فرار ایدوبله یانان دمده خیمه و خرگاه

ایدوبدی حکم دونوب سمت کربلایه قطار

هامی کجاوه سیاه و هامیسی جامه سیاه

یتیشدی بیر یره ناقه دونوب بویوردی امام

بو یرده اَلده عصا چوخ دوروب کلیمُ الله

کلیمه جلوه لنن نور ایلیوبدی ظهور

سلام ویردی دوشوب ناقه دن لسانُ الله

او گون که اهل حرم وارد اولدولار حرمه

حسینه زائریدی جابر بن عبدُ الله

نه گوردی جابر عجب شورشش قیامتدور

دیدی نه وار، دیدیلر گورسنور سواد سپاه

بیری دوشوب یولا تعجیلیله گیدوب نه گوروب

دیدی گَلون نه دوروبسوز بولاردی آلُ الله

اویاندا اهل مدینه، بویاندا اهل حرم

یتیشدی بیر بیره چکدیله ناله ی جانکاه

چوخ آختاروب تانیا بُلمدیله بیماری

نه قدر اهل وطن کاروانه ایتدی نگاه

نه چون وجودینه چوخ گون دگوب بدن اَریوب

وجودی اولموشیدی فرط ضعفیدن چون کاه

حسین قبرینی زینب گوروب اولوب بی هوش

گَلنده هوشه دیوب لا اِلهَ اِلّا الله

دوشَندی قبرینه آهسته عرض ایدوب زینب

فدا بو قبریوه من ای شهید عشقُ الله

«حقیر»مُلهم غیبی سنی ایدوب آگاه

کلام نظمیوه روحُ القدس اولوب همراه